أخبار عاجلة
عاجل.. تصريحات جديدة لوزيرة الصحة عن كورونا -
اخبار ســاره من داخل مستشفى العزل بـ قها -

جلبت محصولٍ على جال الطريق وأخذت غفوة في مكانك تستريح

جلبت محصولٍ على جال الطريق وأخذت غفوة في مكانك تستريح
جلبت محصولٍ على جال الطريق وأخذت غفوة في مكانك تستريح

نعرض لكم زوارنا أهم وأحدث الأخبار فى المقال الاتي:
جلبت محصولٍ على جال الطريق وأخذت غفوة في مكانك تستريح, اليوم الخميس 26 مارس 2020 10:23 مساءً

جلبت محصولٍ على جال الطريق وأخذت غفوة في مكانك تستريح

نشر بوساطة بكر هذال في الرياض يوم 26 - 03 - 2020

1812694

الرزق مطلوبٍ ولابه معيره
ولا يمدح الكسلان في كثر نومه
رجال يكدح في نشاط وبصيره
تلقاه واقف للعمل طول يومه
به فرق عن ناسٍ بعكس المسيره
يقضي فراغه بين لعبٍ وحومه
علي الر شيد - رياض الخبراء
بالعمْر طفلٍ والفعِلْ فعْل رجّال
لله درك يا قويّ العزومي
ماعشت عمرك مثْلِمَا يْعيش الأطفال
شلْتِ الْحِمِلْ بدْري وذِقْت الهمومي
من أجلِ لقمةْ عِيشِ عانيت الأهوال
تِتْرزّقَ الله كلّ يومٍ بيومي
انتهْ منِ الأبطال لوْ عِدّ الأبطال
فعْلِكْ فخَر عانق رفيع الغيومي
ناصر جمعان آل عوض - وادي الدواسر
جلبت محصولٍ على جال الطريق
وأخذت غفوة في مكانك تستريح
توك صغير السن وتعدل عن فريق
وكديت عافيتك وغيرك مستريح
يا سابقٍ عمرك ترى حسك عريق
غيرك جلس في بيتهم دايم طريح
والرزق عندالله هو منجي الغريق
هذى كلامي وافتخر قولي صريح
حمد عبدالله الوايلي - حوطة سدير
أشوف غلامٍ جلس محتار
ولا أشوف ناسٍ يمرونه
من أسباب كرونا هذا ماصار
كل البشر ما يحبونه
خلك في بيتك قرار وصار
قرار مسموع يوحونه
ادعوك ربي بليل .. انهار
تشفي مريضٍ يداوونه
وتحمي بلدنا من الأشرار
مليون مسلم يقولونه
خليف فهيد الحربي - الرياض
يا مدور العيشه تحمل على الجور
وأصبر وخلك يالشقردي شجاعي
لا ينثني عزمك ولا تصير معثور
تحمل وعند الله فجاجٍ وساعي
ياما تحملت الشقاء أيام وشهور
ما يكسب العيشه قصير الذراعي
خالد ناصر المخيمر - روضة سدير
ما فيك يا بني ترى في باقي الناس
كربه على الكل إدع الرب يفرجها
فرغ الشوارع وقل البيع له ساس
ومنع التجمع ظروف الحال أنتجها
اصبر وبكره يزول الهم وعماس
وتشوف ما يفرحك والنفس يبهجها
وابد التجاوب بكل الصدق وإحساس
وأمور لجل الوطن وأهلها تجنبها
سعود عائش الحربي - جدة
يا مكافحٍ لجل المعيشه فلا لوم
لو تجتهد بالصبح ولا الغداري
مسكين من كثر التعب جاي به نوم
والنوم سلطانٍ ولا هو بداري
انا اشهد ان مهنتك قد جيتها يوم
معظم منامي والله ما هو بداري
محمد عبد الله الشهري - جبل أثرب
خل التكاسل يا ولد وأنفذ ذراع
ترى العمل فيه السعادة فيه خير
والرزق من جهدٍ أجمل متاع
مهما يكون التعب أجمل مصير
سطام المسردي - الرياض
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
[email protected]
ويا هلا..
صورة العدد (عدسة / عزام الحميضي)